![Incidenti në ndeshjen Vllaznia-Tirana, katër persona përfundojnë në pranga, procedohet edhe një 30-vjeçar 2 incidenti ne ndeshjen vllaznia tirana kater persona perfundojne ne pranga procedohet edhe nje 30 vjecar](https://botasot.co/wp-content/uploads/2024/08/incidenti-ne-ndeshjen-vllaznia-tirana-kater-persona-perfundojne-ne-pranga-procedohet-edhe-nje-30-vjecar.jpg)
Në ndeshjen e luajtur mbrëmjen e djeshme mes Vllaznisë dhe Tiranës në Shkodër, u raportua një incident ku një 30-vjeçar hodhi në fushë mjete piroteknike.
Në momentin që policia ka ndërhyrë, katër persona kanë tentuar të pengojnë blutë të kryejnë punën, e për pasojë janë prangosur.
Ndërkohë ndaj 30-vjeçarit ka nisur procedimi penal.
Njoftimi:
Kundërshtuan me dhunë, punonjësit e Policisë të angazhuar për të garantuar rend dhe qetësi para, gjatë dhe pas ndeshjes së futbollit “Vllaznia-Tirana”, vihen në pranga 4 shtetas.
Procedohet penalisht një 30-vjeçar, pasi dyshohet se gjatë zhvillimit të ndeshjes, ka hedhur lëndë piroteknike.
Në përfundim të veprimeve procedurale dhe hetimore, të kryera menjëherë pas ndeshjes së futbollit ndërmjet ekipeve “Vllaznia-Tirana”, mbrëmjen e djeshme, në stadiumin “Loro Boriçi”, ku gjatë eventit sportiv, u hodhën lëndë piroteknike dhe u kundërshtuan me dhunë, punonjësit e Policisë të angazhuar për të garantuar rend dhe qetësi në stadium, Oficerët e Policisë Gjyqësore, në bashkëpunim me specialistët për Hetimin e Krimeve të Komisariatit të Policisë Shkodër:
-bënë arrestimin në flagrancë të 4 shtetasve të shoqëruar mbrëmë, menjëherë pas ndeshjes, D. P., 29 vjeç, Sh. X., 22 vjeç, Sh. S., 29 vjeç dhe A. S., 39 vjeç, të gjithë banues në Tiranë, për veprën penale “Kundërshtimi i punonjësit të Policisë së rendit publik”, kryer në bashkëpunim dhe duke ushtruar dhunë fizike;
-proceduan në gjendje të lirë, për veprat penale “Prishja e qetësisë publike” dhe “Veprime të dhunshme në aktivitetet sportive”, shtetasin M. L., 30 vjeç, banues në Tiranë. Nga kontrolli fizik, 30-vjeçarit iu gjet dhe iu sekuestrua në cilësinë e provës materiale, 1 kapsollë.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co