![Tentuan të dilnin nga Shqipëria me lëndë narkotike me vete, arrestohen 3 shtetas kosovarë në Murriqan 2 tentuan te dilnin nga shqiperia me lende narkotike me vete arrestohen 3 shtetas kosovare ne murriqan](https://botasot.co/wp-content/uploads/2024/08/tentuan-te-dilnin-nga-shqiperia-me-lende-narkotike-me-vete-arrestohen-3-shtetas-kosovare-ne-murriqan.jpg)
Tre shtetas kosovarë janë arrestuar në pikën kufitare të Murriqanit.
Policia njofton se këta persona tentuan të dilnin nga Shqipëria, me lëndë narkotike me vete.
Njoftimi:
Tentuan të dilnin nga Shqipëria, me lëndë narkotike me vete, vihen në pranga 3 shtetas kosovarë.
Sekuestrohen sasia e lëndës narkotike cannabis sativa, automjeti me të cilin lëviznin të arrestuarit dhe 3 celularët e tyre.
Në vijim të punës intensive që po kryhet nga shërbimet e Policisë Kufitare të PKK Muriqan, me qëllim parandalimin, konstatimin dhe goditjen e krimeve në kufi, u kalua në vijë të dytë, për kontroll të detajuar, automjeti me drejtues shtetasin K. H. dhe me pasagjerë shtetasit L. Sh. dhe F. S..
Gjatë kontrollit në këtë automjet, u gjet një sasi lënde narkotike cannabis sativa.
Në përfundim të veprimeve procedurale për rastin, Seksioni për Hetimin e Narkotikëve i DVP Shkodër bëri arrestimin në flagrancë të shtetasve kosovarë L. Sh., 20 vjeç, K. H., 20 vjeç dhe F. S., 20 vjeç, për veprën penale “Trafikimi i narkotikëve”, kryer në bashkëpunim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co