![Çfarë po ndodh? Pas një shpërthimi, merr flakë një depo e naftës në Rostov të Rusisë 2 cfare po ndodh pas nje shperthimi merr flake nje depo e naftes ne rostov te rusise](https://botasot.co/wp-content/uploads/2024/08/cfare-po-ndodh-pas-nje-shperthimi-merr-flake-nje-depo-e-naftes-ne-rostov-te-rusise.jpg)
Një depo e naftës është përfshirë nga zjarri në rajonin Rostov të Rusisë, si pasojë e një shpërthimi të fuqishëm, raportuan të mërkurën kanalet ruse në Telegram. Depoja ndodhet në afërsi të fshatit Molodezhny në qarkun e Kamenskit, sipas tyre.
Një shpërthim i fuqishëm ndodhi para se depoja të përfshihej nga zjarri. Guvernatori rajonal, Vasily Golubev, tha në Telegram se katër dronë u rrëzuan në Rostov, por ai nuk përmendi ndonjë zjarr.
Kanali Baza në Telegram, i cili është i afërt me inteligjencën ruse, tha se copëzat e dy dronëve të rrëzuar e shkaktuan një zjarr në tri cisterna për ruajtjen e naftës në qarkun Kamenski.
Në rajonin Voronezh, guvernatori Aleksandr Gusev, raportoi për një zjarr në afërsi të “objekteve shpërthyese”, me gjasë afër një depoje municioni. Si pasojë, banorët e dy vendbanimeve u evakuuan./Rel/
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co