Pjesëtarët e Forcës së Sigurisë së Kosovës kanë realizuar të enjten “Trajnimin Bazik për Betejë në Regjimentin e dytë të Forcave Tokësore” në bashkëpunim me Forcat e Armatosura të Republikës së Turqisë.

Ky trajnim është bërë nën udhëheqjen e instruktorëve turq dhe në kuadër të ngritjes së kapaciteteve luftarake të FSK-së, ka njoftuar ky institucion.

“Në kuadër të bashkëpunimit me Forcat e Armatosura të Republikës së Turqisë, dhe në kuadër të ngritjes së kapaciteteve luftarake të Forcës së Sigurisë së Kosovës , nën udhëheqjen e instruktorëve turk është realizuar Trajnimi Bazik për Betejë në Regjimentin e dytë të Forcave Tokësore”, thuhet në njpftimin e FSK-së.

Ky institucion ka njoftuar se Republika e Turqisë në vazhdimësi është duke ndihmuar ngritjen e kapaciteteve të FSK-së në të gjitha fushat, duke mbështetur ngritjen profesionale dhe mbështetjen teknike.

Burimi informacionit @BalkanWeb: Lexo me shume ne : Bota Sot News botasot.co