![Gjenden trupat e dhjetëra palestinezëve në jug të Rripit të Gazës pas tërheqjes së ushtrisë izraelite 2 gjenden trupat e dhjetera palestinezeve ne jug te rripit te gazes pas terheqjes se ushtrise izraelite](https://botasot.co/wp-content/uploads/2024/08/gjenden-trupat-e-dhjetera-palestinezeve-ne-jug-te-rripit-te-gazes-pas-terheqjes-se-ushtrise-izraelite.jpg)
Trupat e 10 palestinezëve u gjetën sot pasi ushtria izraelite u tërhoq nga disa zona në jug të Rripit të Gazës, raporton Anadolu.
Burime mjekësore në spitalin “Nasser” thanë për Anadolu se trupat e palestinezëve u sollën nga pjesa qendrore dhe lindore e Khan Younisit pas tërheqjes së ushtrisë izraelite nga ato zona.
Tërheqja shënon fundin e një ofensive ushtarake 22-ditore në Khan Younis në jug të Rripit të Gazës.
Ofensiva la pas shkatërrime të konsiderueshme, me ndërtesa banimi, rrugë dhe infrastrukturë që pësuan dëme të mëdha, sipas dëshmitarëve.
Izraeli ka vazhduar ofensivën e tij brutale në Rripin e Gazës pas një sulmi nga grupi palestinez Hamas më 7 tetor të vitit kaluar, pavarësisht nga një rezolutë e Këshillit të Sigurimit të OKB-së që bën thirrje për armëpushim të menjëhershëm.
Sulmi ka rezultuar në mbi 40.600 palestinezë të vrarë, kryesisht gra dhe fëmijë dhe mbi 93.800 të plagosur, sipas autoriteteve lokale shëndetësore.
Bllokada e vazhdueshme e Rripit të Gazës ka çuar në mungesa të mëdha të ushqimit, ujit të pastër dhe ilaçeve, ndërsa sulmet izraelite kanë lënë pjesën më të madhe të rajonit në gërmadha.
Izraeli përballet me akuza për gjenocid në Gjykatën Ndërkombëtare të Drejtësisë (GJND), e cila ka urdhëruar ndalimin e operacioneve ushtarake në qytetin jugor Rafah, ku mbi një milion palestinezë kishin kërkuar strehim përpara se zona të pushtohej më 6 maj.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co