Tajfuni Shanshan ka përmbytur sipërfaqe të mëdha të Japonisë me shi të rrëmbyeshëm të premten, duke shkaktuar paralajmërime edhe për  rrëshqitje të dheut. Si pasojë, shërbimet e udhëtimit  janë pezulluar dhe është  mbyllur prodhimi në fabrikat kryesore, raporton Reuters.

Të paktën katër persona kanë mbetur të vdekur dhe 99 janë lënduar në incidentet e lidhura me stuhinë ditët e fundit, sipas agjencisë së menaxhimit të fatkeqësive.

Në rajonin jugperëndimor Kyushu, ndodhi stuhia që autoritetet thonë se mund të jetë një nga më të fortat që ka goditur ndonjëherë rajonin.

Rreth 250 mijë familje në shtatë prefektura ishin pa energji elektrike në Kyushu të enjten, sipas Kyushu Electric Power Co., por për shumë prej tyre më vonë energjia ishte rikthyer.

Burimi informacionit @BalkanWeb: Lexo me shume ne : Bota Sot News botasot.co