NATO është shprehur e zhgënjyer nga aksioni i së premtes nga autoritetet e Kosovës në veri, kundër strukturave paralele serbe. Zëdhënësja e NATO-s, Farah Dakhlallah, ka thënë se veprimet ishin të pakoordinuara.
![Aksioni i qeverisë së Kosovës në veri, NATO: Jemi të zhgënjyer, pati zotime për koordinim 2 NATO](https://botasot.co/wp-content/uploads/2024/08/aksioni-i-qeverise-se-kosoves-ne-veri-nato-jemi-te-zhgenjyer-pati-zotime-per-koordinim.jpg)
“Shumë të zhgënjyer nga aksionet e djeshme në veri të Kosovës që nuk ishin të koordinuara me KFOR-in pavarësisht zotimeve të përsëritura për ta bërë këtë”, ka shkruar ajo në Twitter.
Zëdhënësja e NATO-s ka thënë se KFOR-i është i përgatitur për mandatin e tij të dhënë nga Rezoluta 1244 e Kombeve të Bashkuara. Ajo ka bërë thirrje për depërshkallëzim dhe angazhim në dialogun e lehtësuar nga Bashkimi Evropian.
Një ditë më parë, Policia e Kosovës mbylli strukturat paralele serbe në katër komunat në veri. Reagimi ishte i menjëhershëm nga partnerët ndërkombëtarë që e cilësuan të njëanshëm veprimin e Kosovës.
Burimi informacionit @Panorama.al: Lexo me shume ne :bota sot www.botasot.co