![“Para drejtësisë”/ Të dënuar për mashtrim, prostitucion e grabitje me armë, ekstradohen drejt Turqisë dhe Italisë 3 persona 2 para drejtesise te denuar per mashtrim prostitucion e grabitje me arme ekstradohen drejt turqise dhe italise 3 persona](https://botasot.co/wp-content/uploads/2024/09/para-drejtesise-te-denuar-per-mashtrim-prostitucion-e-grabitje-me-arme-ekstradohen-drejt-turqise-dhe-italise-3-persona.jpg)
Policia e Shtetit njofton se ka finalizuar operacionin e koduar “Para drejtësisë”. Në kuadër të këtij operacioni, janë ekstraduar nga vendi ynë drejt Turqisë e Italisë 3 persona. Turku i ekstraduar është dënuar për mashtrim, ndërsa dy të ekstraduarit në Itali janë dënuar për grabitje me armë dhe shfrytëzim prostitucioni.
Mësohet se janë ekstraduar në Itali, shtetasit Mërgim Lazri dhe Andrea Ajasllari.
“Policia e Shtetit/Operacioni “Para drejtësisë”, ekstradohen në Turqi dhe në Itali, 3 shtetas të kërkuar ndërkombëtarisht.
✅I ekstraduari në Turqi, i dënuar me 4 vjet e gjysmë burgim, për 3 vepra penale.
✅2 të ekstraduarit në Itali, njëri i akuzuar për grabitje me armë, me pasojë, ndërsa tjetri i akuzuar për shfrytëzim për prostitucion dhe për kanosje.
Si rezultat i koordinimit të punës dhe bashkëpunimit ndërmjet Interpol Tiranës dhe strukturave homologe në Turqi dhe në Itali, u finalizuan procedurat për ekstradimin e 3 shtetasve të shpallur në kërkim ndërkombëtar. Konkretisht:
-u ekstradua në Turqi, shtetasi turk Koray Anic, 36 vjeç, pasi Gjykata e Stambollit, në vitin 2024, e ka dënuar me 4 vjet, 6 muaj e 5 ditë burgim, për rrëmbim, posedim të armëve të zjarrit dhe armëve shpërthyese dhe për kanosje;
-u ekstradua në Itali, shtetasi shqiptar M. L., 27 vjeç, i lindur në Dibër, pasi Gjykata e Torinos, në vitin 2023, i ka caktuar masën e sigurisë “Arrest në burg”, për grabitje me armë, me pasojë. Në vitin 2021, 27-vjeçari dyshohet se ka plagosur me armë zjarri pronarin e një banese në Itali, ku kishte hyrë për të vjedhur, së bashku me shtetas të tjerë;
-u ekstradua në Itali, shtetasi shqiptar A. A., 49 vjeç, i lindur në Skrapar, pasi Gjykata e Komos, në vitin 2023, i ka caktuar masën e sigurisë “Arrest në burg”, për shfrytzim për prostitucion dhe për kanosje.
Operacioni “Para drejtësisë” vijon”, njofton policia.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co