Mes qindra personave të masakruar në Chojnice në fillim të vitit 1945 raportohet se kishte mësues, priftërinj, policë, punonjës pyjesh e poste.

Disa dekada pas vdekjes Polonia mbajti sot një ceremoni shtetërore varrimi për më shumë se  700 viktima të Gjermanisë Naziste në Luftën e Dytë Botërore, në atë që njihet si “ekzekutimet e luginës së vdekjes” në veri të vendit.

Ceremonia e qytezës Chojnice nisi me meshën e funeralit në bazilikë, dhe më pas me nderimet ushtarake në varrezën e viktimave të nazizmit. Mbetjet ishin futur në 188 arkëmorte të vogla të drunjta, mbështjellë me ngjyrat bardhë e kuq të flamurit polak.

Në ceremoni kishte të afërm të viktimave, përfaqësues të presidentit Andrzej Duda, zyrtarë lokalë e shtetërorë, që kishin marrë pjesë në zhvarrosjet e dokumentimin e tyre.

“Ne duam kujtimet tona, dinjitetin e viktimave të krimeve të kryera në Chojnice,” tha peshkopi drejtues Ryszard Kasyna.

Mes viktimave civile raportohet se ishin dhe 218 pacientë të psikiatrisë, të cilët ishin zhvarrosur në vitet 2021-2024 nga disa varre masive në periferi të Chojnice. Dokumentet dhe sendet personale kishin ndihmuar në identifikimin e 120 prej tyre.

Historianët thonë se nazistët pak pas pushtimit të Polonisë më 1 shtator 1939, kryen një seri ekzekutimesh të civilëve me qëllim dhënien e shembullit të terrorit për nënshtrimin e vendit.

Ekspertët thonë se po vazhdojnë të kërkojnë për varre të tjera masive të kësaj epoke.

Burimi informacionit @BalkanWeb: Lexo me shume ne : Bota Sot News botasot.co