Numri i të vdekurve nga sulmi rus në Poltava të Ukrainës është rritur në 53

Numri i të vdekurve nga sulmi rus në një qendër arsimore në Poltava është rritur në 53, tha Shërbimi Shtetëror i Emergjencave të Ukrainës.

Që nga mëngjesi i 4 shtatorit, 53 persona u konfirmuan të vdekur në Poltava.

Gjithashtu, 271 persona u plagosën në sulmin rus. Ekipet e shpëtimit kanë shpëtuar 25 persona, duke përfshirë 11 të cilët u nxorrën nga rrënojat.

Shërbimet e urgjencës paralajmërojnë se pesë persona të tjerë mund të jenë ende të bllokuar nën rrënojat e godinës arsimore gjashtëkatëshe.

Më herët, Shërbimi Shtetëror i Emergjencave njoftoi se përveç qendrës arsimore, janë dëmtuar edhe tre ndërtesa banimi, pesë shtëpi private dhe një ndërtesë zyre në Poltava.

(A.A/BalkanWeb)

Burimi informacionit @BalkanWeb: Lexo me shume ne : Bota Sot News botasot.co