Edmond Liçaj, ekspert i teknologjisë nga organizata “Nexus”, i ftuar në emisionin SINTEZË ka dhënë mesazhe sensibilizuese për prindërit duke kërkuar që të bëhet kujdes me informacionet që publikojnë online për fëmijët.

“Gjatë verës, ekspozimi i fotove të fëmijëve është më i lartë. Por nuk duhet të harrojmë sa i rrezikshëm është informacioni që ne ndajmë online për fëmijët. Efektet e këtyre fotove dhe materialeve mund t’i dëmtojnë fëmijët në të ardhmen, kur ata të jenë të rritur me personalitet dhe do të përdoren kundër tyre.” – ka deklaruar ai.

“Për shkak të ekspozimit online, me lojra virtuale në rrjet dhe media sociale, fëmijët praktikojnë edhe një fjalor banal që po kthehet në një problem social.” – ishte një tjetër shqëtësim që ngriti z. Liçaj. Në analizën e tij eksperti theksoi se shembulli që jep familja dhe edukimi në shkolla janë dy momentet kur mund të punohet me shpëtimin e fëmijëve nga rreziqet e botës virtuale.

“Sintezë” nga Brenton Kotorri është një emision i përjavshëm që trajton fenomene të qytetit përmes diskutimeve me profesionistë të fushave të ndryshme, çdo të premte ora 21.00.

Burimi informacionit @BalkanWeb: Lexo me shume ne : Bota Sot News botasot.co