Një grua 45-vjeçare, Susanna Recchia, u zhduk nga shtëpia e saj në Miane të Trevisos së bashku me vajzën e saj 3-vjeçare.

Ato humbën kontaktet mbrëmjen e së premtes, kur partneri i gruas shkoi në shtëpi për të marrë vogëlushen por nuk gjete njeri.

Në tryezë kishte një letër lamtumire. Në pesë faqe, gruaja njoftoi qëllimin e saj për të vrarë veten. Burri, nga i cili po ndahej 45-vjeçarja, shkoi në komisariatin e Conegliano dhe denoncoi zhdukjen e dyfishtë, raportojnë mediat italiane.

Prefektura e Trevisos, pas kontrolleve, aktivizoi protokollin për personat e zhdukur dhe hetimet po kryhen në të gjithë provincën dhe territoret fqinje. Makina në të cilën Recchia u largua me fëmijën e saj u gjet bosh.

Kërkimet janë duke u zhvilluar në të gjithë provincën e Trevisos dhe në zonat përreth, me kontrolle nëpërmjet sistemeve të vëzhgimit me video publike dhe private, patrullave, pajisjeve për njohjen automatike të targave dhe një helikopter të zjarrfikësve.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co