Ushtria izraelite po heton disa ushtarë për hedhjen e trupave nga një çati në Bregun Perëndimor të enjten, në mes të një inkursioni të Forcave të Mbrojtjes të Izraelit (IDF) që la shtatë të vdekur, sipas qeverisë palestineze, dhe ka parë përleshje intensive dhe të shtëna me armë zjarri me militantët.

Incidenti raportohet se u filmua nga banorët e Qabatya, afër Jenin, dhe u dëshmua nga një reporter i Associated Press (AP).

Sipas asaj që u raportua nga mediat ndërkombëtare ngjarja ka konsistuar në hedhjen e tre trupave të pajetë nga një çati nga tre ushtarë izraelitë.

“Ky është një incident serioz që nuk përkon me vlerat e IDF dhe pritshmëritë nga ushtarët e IDF-së”, tha ushtria në një deklaratë për CNN. “Ngjarja është në shqyrtim”, u shprehën ata.

Ushtarakëve u kërkohet sipas ligjit ndërkombëtar që t’i trajtojnë trupat e ushtarëve të armikut me respekt, t’i parandalojnë ata nga gjymtimi dhe t’ia kthejnë familjeve respektive. Ushtria izraelite shpesh konfiskon trupat e militantëve të vrarë në betejë.

Burimi informacionit @BalkanWeb: Lexo me shume ne : Bota Sot News botasot.co