Izraeli ka mbyllur hapësirën e tij ajrore në rajonin verior për shkak të shqetësimeve të sigurisë, njoftoi media lokale sot, transmeton Anadolu.

Sipas Korporatës së Transmetimeve Publike të Izraelit, hapësira ajrore është mbyllur nga qyteti Hadera deri në kufirin libanez për 24 orë për shkak të përshkallëzimit të tensioneve në rajon.

Ky veprim erdhi në mes të armiqësive midis Izraelit dhe Hezbollahut në Libanin jugor, me të dyja palët që kanë shkëmbyer zjarr në ditët e fundit.

Të premten, Izraeli tha se vrau komandantin e lartë ushtarak të Hezbollahut, Ibrahim Aqil, së bashku me komandantë të lartë nga forcat elitare të grupit Radwan gjatë një sulmi ajror në periferinë jugore të Bejrutit.

Sipas Ministrisë së Shëndetësisë të Libanit, numri i të vdekurve nga sulmi ajror i së premtes në periferinë jugore të Bejrutit është rritur në 31.

Sulmi ishte i treti nga Izraeli në periferinë jugore që kur filloi një valë e vazhdueshme armiqësish gati një vit më parë.

Sulmi ajror ndodhi në mes të një valë të re të përshkallëzimit izraelit në Liban, me ministrin izraelit të Mbrojtjes Yoav Gallant që njoftoi të enjten se konflikti me Hezbollahun ka hyrë në “një fazë të re”.

Burimi informacionit @BalkanWeb: Lexo me shume ne : Bota Sot News botasot.co