Presidenti i Bjellorusisë Aleksandër Lukashenko tha sot se një sulm ndaj Bjellorusisë do të nënkuptonte fillimin e Luftës së Tretë Botërore.

“Dua të paralajmëroj kundërshtarët tanë, rivalët tanë. Dhe ata që nuk e kuptojnë ende. Nuk ka nevojë ta bëjnë këtë. Një sulm ndaj Bjellorusisë është Lufta e Tretë Botërore”, paralajmëroi Lukashenko, raporton BelTA.

Lukashenko nënvizoi se Bjellorusia ka diçka për t’iu përgjigjur agresionit të jashtëm dhe se interesat dhe vlerat e saj do të mbrohen.

“Nuk do të lejojmë askënd të cenojë tokën e shenjtë të të parëve tanë, pavarësinë dhe sovranitetin e Atdheut tonë”, theksoi ai.

Lukashenko njoftoi më parë një përgjigje të menjëhershme ndaj shkeljes së kufirit shtetëror në rast të një sulmi të NATO-s.

Ai shpjegoi se nëse fillojnë ndonjë veprim kundër Bjellorusisë, “ai nuk do të ketë zgjidhje tjetër”, kujton agjencia bjelloruse.

Burimi informacionit @BalkanWeb: Lexo me shume ne : Bota Sot News botasot.co