Presidenti i ri i Iranit ka thënë se Izraeli po kërkon të krijojë një “konflikt të gjithanshëm” në Lindjen e Mesme, dhe paralajmëroi se pasojat do të ishin “të pakthyeshme”.
Masoud Pezeshkian, i cili mori detyrën në korrik, foli sot me gazetarët në Nju Jork përpara Asamblesë së Përgjithshme të OKB-së.
“Ne e dimë më shumë se kushdo tjetër se nëse një luftë më e madhe do të shpërthejë në Lindjen e Mesme, ajo nuk do të përfitojë askënd në mbarë botën. Është Izraeli ai që kërkon të krijojë këtë konflikt të gjithanshëm,” shtoi ai.
Pezeshkian tha se udhëheqësit po “mashtronin” veten duke menduar se dikush do të ishte fitimtar në një luftë rajonale.
Ai tha gjithashtu se “çdo ditë Izraeli po kryen më shumë mizori dhe po vret gjithnjë e më shumë njerëz, të moshuar, të rinj, burra, gra, fëmijë, spitale, objekte të tjera.”
