Një aksident ka ndodhur mbrëmjen e sotme në lagjen nr. 16 në Korçë, ku ka mbetur i lënduar një person.
Sipas informacioneve paraprake, bëhet e ditur se në aksident janë përfshirë një makinë dhe një motorr, drejtuesi i të cilit ka mbetur i lënduar.
I dëmtuari mësohet se është dërguar në spitalin rajonal të Korçës dhe sipas bluzave të bardha, ndodhet jashtë rrezikut për jetën.
Ndërkohë policia është duke sqaruar rrethanat e aksidentit.
Korçë/ Informacion paraprak
Rreth orës 21:40, në rrugën “Viktor Eftimiu”, Korçë, motomjeti me drejtues shtetasin E. V., 37 vjeç, është përplasur me automjetin tip “Opel”, me drejtues shtetasin S. M., 20 vjeç.
Si pasojë e përplasjes është dëmtuar drejtuesi i motomjetit i cili ndodhet për mjekim në spital, jashtë rezikut për jetën.
Grupi hetimor po punon për sqarimin e rrethanave dhe shkakut të aksidentit.
