Kryetari i bashkisë së një qyteti të rrënuar nga dhuna mes bandave kriminale në Meksike u vra të dielën më pak se një javë pasi mori detyrën, konfirmuan autoritetet meksikane.

Alejandro Arcos u vra vetëm gjashtë ditë pasi mori detyrën si kryebashkiak i qytetit Chilpancingo, një qytet me rreth 280.000 banorë në Meksikën jugperëndimore. Konfirmimi zyrtar erdhi pasi fotot qarkulluan në aplikacionin e mesazheve ËhatsApp që përshkruanin një kokë të prerë në majë të një kamioni, që duket të jetë ajo e Arcos.

Vdekja e Arcos vjen vetëm tre ditë pasi sekretari i ri i qeverisë së qytetit, Francisco Tapia, u qëllua për vdekje.

“Ata ishin zyrtarë të rinj dhe të ndershëm që kërkonin përparim për komunitetin e tyre,” theksuan autoritetet meksikane.
Chilpancingo ne Guerrero është bërë një nga shtetet më vdekjeprurëse për zyrtarët publikë aspirantë dhe të zgjedhur, si dhe për gazetarët.

Të paktën gjashtë kandidatë për poste publike u vranë në këtë vend në prag të zgjedhjeve të 2 qershorit në Meksikë. Guerrero, një nga shtetet më të varfra të Meksikës, ka duruar vite të tëra dhune të lidhura me luftërat në terren midis karteleve që luftojnë për kontrollin e prodhimit dhe trafikut të drogës.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co