Kryeministri Edi Rama në konferencën e përbashkët për mediat me Presidentin e Turqisë, Rexhep Tajip Erdogan tha Shqipëria nuk mbështet asnjë lloj terrori dhe terrorizmi.

Në këtë kuadër, Rama duke përmendur Hamasin si organizatë terroriste, tha se Shqipëria mbështet krijimin e dy shteteve atë të Palestinës dhe Izraelit, ku nuk mund të ketë vend për organizata terroriste që kërcënojnë apo venë në diskutim ekzistencën e tyre.

Rama tha se ne bashkëndajmë me Presidentin Erdogan që populli palestinez të jetojë i lirë në shtetin e tij, por për ne terrori është i patolerueshëm.

[embedded content]

“Kemi votuar në Asamblenë e OKB për një armëpushim në Gaza, i cili patjetër duhet të shoqërohet me lirimin e të gjitha pengjeve, por Hamasi dhe çdo burim tjetër terrori nuk ka vend. Izraeli dhe Palestina dy vende që duhet të jetojnë të sigurta dhe askush nuk duhet të vërë në diskutim ekzistencën e tyre”, tha Rama.

Gjithashtu ai u shpreh se me Presidentin Erdogan kishte diskutuar edhe lidhur me Ukrainën, që e konsideroi një çështje që diskutohet sot në çdo nivel në të gjithë Botën.

Burimi informacionit @BalkanWeb: Lexo me shume ne : Bota Sot News botasot.co