Një zjarr që shpërtheu në një shtëpi të moshuarish në Madrid vrau dy gra dhe plagosi të paktën 10 persona të tjerë, thanë shërbimet spanjolle të urgjencës.

Zjarri shpërtheu rreth orës 7 të mëngjesit (0600 GMT) në rezidencën ku jetonin rreth 40 persona, tha Isabel Casado , një mbikëqyrëse me shërbimet e urgjencës të Madridit, në një video të postuar në X, dikur Twitter.

Një nga të plagosurit, një grua, ishte në gjendje kritike për shkak të djegieve, ndërsa të tjerët kishin nevojë për trajtim për shkak të thithjes së tymit, shtoi ajo.

Zjarrfikësi Jose Luis Castillo tha se zjarri filloi në një dhomë në katin e parë dhe kati i dytë u “përmbyt nga tym”.

“Duhej të evakuonim banorët në një vend të sigurt”, shtoi ai.

Kreu i qeverisë rajonale të Madridit, Isabel Diaz Ayuso , tha se “i vjen keq shumë për vdekjen e dy grave” në rezidencë.

“Mbështetja jonë për të vdekurit, të lënduarit dhe punëtorët e rezidencës. Jemi në dispozicion për gjithçka që ata kanë nevojë. RIP”, ka shkruar ajo në X.

Burimi informacionit @BalkanWeb: Lexo me shume ne : Bota Sot News botasot.co