Shqipëria u mposht 2 me 0 nga Çekia në ndeshjen e vlefshme për Ligën e Kombeve. Gjithçka nisi në orën 20:45 mes dy përfaqësuesve në Çeki dhe u vendos me 1 gol në çdo pjesë. Kjo humbje vendos Shqipërinë në vendin e tretë me 3 pikë, po aq sa dhe Ukraina.
Pas ndeshje foli Qazim Laçi, titullar i kuqezinjve në këtë sfidë.
“Besoj se fillimi i keq na prishi lojën që kishim planifikuar. E vërteta që e njohim kundërshtarin, për topat e gjatë. Mund të kishim bërë më mirë. Në pjesën e parë kishim dy raste për të bërë më mirë. Fat i keq.
Ne e kishim planifikuar në këtë mënyrë, të jemi të gatshëm për topat e dytë, i kemi humbur shumë në pjesën e parë. E dini dhe ju në këtë lojë me topa të gjatë është vështirë ta planifikosh 100%.
Besoj nga dy ndeshjet e fundit nuk i kishin harruar. 1 me 1 këtu dhe atje 3 me 0, e kishin përgatitur të futeshin sa më shpejt për të mbaruar lojën. Ne duhet të kishim bërë më mirë”, u shpreh Laçi për TV Klan.
PANORAMASPORT.AL
