Shqipëria përballen këtë të hënë në Tbilisi me Gjeorgjinë, në një ndeshje që mund të jetë shumë përcaktuese për fatin e dy skuadrave në Grupin B1 të Ligës së Kombeve. Gjeorgjia ka marrë 6 pikë, ndërsa Shqipëria ka vetëm 3, me gjysmën e sfidave të grupit të luajtura.
Shumëkush bën parashikimin për këtë duel duke u bazuar te ajo që kanë parë në ndeshjet e mëparshme, ndërsa ekspertët e statistikave të OPTA, kanë përdorur si gjithmonë superkompjuterin e tyre, duke simuluar me mijëra herë nëpërmjet një algoritmi statistikor ndeshjen në fjalë.
Sipas tyre, Gjeorgjia është favorite për të fituar ndeshjen, pasi është ajo që merr pikët e plota në 46% të rasteve, sipas simulimeve të kryera.
Shqipëria është fituese sipas superkompjuterit vetëm në 27,3% të rasteve, një shifër që është gjithsesi më e lartë se 26% që parashikohej për rast fitoreje në sfidën e mëparshme ndaj Ccekisë. Ndërkohë, barazimi mes dy skuadrave, rezulton në 26,7% të rasteve sipas OPTA.
PANORAMASPORT.AL
