Moshën njeriu nuk ka përse ta ketë ‘të shkruar’ në ballë. Kalimi i viteve nuk lë shenja vetëm në fytyrën e njeriut, por edhe në zona të tjera të trupit, të cilat do t’i gjeni këtu.

Duart janë ndër të parat që preken nga shenjat e moshës dhe kjo vërehet më shumë tek gratë. Ndryshimet hormonale shkaktojnë humbje të elasticitetit të lëkurës dhe dobësimi i saj shkakton daljen në pah të damarëve. Duart janë më të predispozuara të preken nga njollat e diellit, sepse pothuajse kurrë nuk lyhen me krem mbrojtës.

E qeshura është e dobishme për shëndetin, por shkakton shumë rrudha. Lëkura përreth syve hollohet më shumë dhe e qeshura, ekspozimi në diell apo vërejtja në fytyrë rrit predispozitat e rrudhave.

As buzët nuk arrijnë t’u shpëtojnë dot njollave dhe shenjave të moshës. Pas syve dhe ballit, rrudhat shfaqen në zonën e buzëve. Në shfaqjen e tyre luan rol ekspozimi në diell, por edhe mbledhja e buzëve nga përdorimi i pipave dhe shisheve kur pini ujë apo lëngje.

Shprehitë e fytyrës lënë gjurmë edhe tek balli. Ky i fundit është ndër zonat e para të fytyrës që preket nga rrudhat. Ekspertët rekomandojnë kolagjen dhe solucione për heqjen e qelizave të vdekura për zbardhjen dhe zbutjen e lëkurës. Zona e qafës duhet mbrojtur me krem kundër diellit. Në mungësë të mbrojtjes, qafa humbet elasticitetin, lëkura poshtë mjekrës varet dhe me kalimin e moshës formohen rrudhat.

Ekspozimi në diell shkakton çngjyrosje të zonës së kraharorit, njolla dhe rrudha. Ekspertët rekomandojnë përdorimin e kremërave me faktor mbrojtës mbi 30 që përmbajnë dioksid zinku. Gjunjtë kanë tendencën të preken nga njollat dhe shenjat e moshës. Përveç aplikimit të eksfoliantëve, ekspertët rekomandojnë përdorimin e kremërave hidratues dhe me faktor të lartë mbrojtës.

Bërrylat përbëhen nga kryesisht kocka dhe nuk kanë depozita yndyrore apo muskuj për të qëndruar të fryrë. Ekspertët rekomandojnë përdorimin e kremërave zbutës me acid salicilik tek bërrylat. Për shumë njerëz, 30-vjetori vjen me shfaqjen e thinjave. Ky fenomen përkeqësohet më shumë pas të pesëdhjetave. Për më tepër, me kalimin e moshës, skalpi prodhon më pak yndyrë duke e përtharë kështu flokun në tërësi./aw

Burimi informacionit @BalkanWeb: Lexo me shume ne : Bota Sot News botasot.co