Liverpuli ka vuajtur për të zëvendësuar Sadio Manenë, por Virxhil van Dajk mendon se Arne Slot mund t’ia ketë dalë me sukses me Luis Diazin.
Kolumbiani shkëlqeu kundër Bajer Leverkusenit pasi Slot e vendosi atë brenda në rolin numrit 9 teksa, ndërsa shënoi tregolëshin e tij të parë me klubin. Sulmuesi është golashënuesi më i mirë i Liverpulit bashkë me me Mohamed Salahun, me nëntë gola, dhe kapiteni Van Dajk pa nuancat e Manesë në shfaqjen e tij dinamike mbrëmjen e së martës. Manesë i pëlqente gjithashtu të merrte pozicione të ndryshme në sulmin e Liverpulit dhe Diaz po tregon se mund të jetë po aq shkatërrues sa senegalezi. “Po, mendoj se e kemi parë këtë gjatë dy viteve të fundit me Sadionë, që luante si numër 9 dhe lëvizte në pozicione të ndryshme, kështu që mendoj se ata mund të bëjnë dëm kudo”, tha qendërmbrojtësi i “Reds”- ave.
“Natyrisht që unë jam shumë i kënaqur që ai shënoi këtë trigolësh të parë të Ligës së Kampioneve në karrierën e tij. Goli i tij i parë ishte cilësi kudo. Ishte një top i mrekullueshëm nga Kërtis dhe një finalizim fantastik. Unë mendoj se ai është një lojtar i mrekullueshëm, si pjesa tjetër e djemve”.
Slot tregoi sërish gjenialitetin e tij taktik duke e futur Diazin nga e majta për shkak të formës së Darvin Nunjezit dhe ky spostim e lejoi atë gjithashtu që të startonte me Gakponë në formë kundër Leverkusenit, i cili shënoi golin e tij të katërt në tre ndeshjet e fundit. Van Dajk pretendon se lojtarët presin të performojnë kudo që ata të aktivizohen. “Unë mendoj se ne kemi lojtarë cilësorë, para së gjithash”, shtoi ai.
“Natyrisht që menaxheri merr vendimin se kush do të luajë dhe të gjithë duhet të jenë gati për të ndikuar në një mënyrë pozitive. Kjo është ajo që menaxheri pret nga ne dhe kjo është ajo që ne si lojtarë presim edhe nga vetja”. Liverpuli ka fituar katër nga katër ndeshje në Ligën e Kampioneve dhe është në krye të Premier Ligës, por Van Dajk thotë se askush brenda “Anfield” nuk do të bëjë ndonjë parashikim se çfarë mund të fitojë këtë sezon. Ai këmbëngul se ata janë të fokusuar vetëm në përmirësimin mëtejshëm dhe të mposhtin Aston Vilën në “Anfield” në ndeshjen e tyre të ardhshme.
“Bazuar në rezultatet, ne po bëjmë shumë mirë. Por ne patjetër do t’i lëmë të tjerët të flasin. Mendoj se nuk ka kuptim të bëj deklarata, sepse e di se si funksionon në këtë botë. Ne jemi të lumtur, por duam të jemi të lumtur në fund të sezonit. Duhet të punojmë çdo ditë në gjërat që duhet t’i përmirësojmë, sepse ka ende shumë gjëra ku mund të përmirësojmë. Ne të gjithë e dimë këtë si lojtarë dhe mendoj se trajneri është gjithashtu kyç dhe po e tregon këtë gjithashtu. Ne jemi ende një punë në vazhdim”.
PANORAMASPORT.AL
