Ndeshjet e nëntorit kthehen në një makth për Kombëtaren shqiptare e cila pas dy paraqitjeve të dobëta në pak ditë, ka kaluar nga ëndrra për Ligën A, në rënien në Ligën C si e fundit e grupit.
Kuqezinjtë janë mposhtur nga Ukraina në “Arenën Kombëtare” me shifrat 2-1 dhe kështu në sezonin e ardhshëm të turneut zbresin një kategori më poshtë.
Pjesa e parë ishte një katastrofë për kuqezinjtë, pasi nisi me dy gola të shpejtë të miqve të cilët prishën çdo lloj plani që mund të kishte ndërtuar Silvinjo. Loja e Shqipërisë la shumë për të dëshiruar dhe ekipet shkuan në pushimin e ndeshjes me një avantazh të dyfishtë të merituar të miqve.
Lëvizjet e Silvinjos në pushim me kthimin e Bajramit dhe Uzunit në formacion, ngjallën lojën e Kombëtares e cila kërkoi golin me vazhdimësi dhe e gjeti një të tillë me penalltinë e Bajramit, Por sulmet në vijim nuk sollën rezultatin e kërkuar dhe vërshëllima përfundimtare dekretoi fitoren 2-1 të Ukrainës qa kaloi Shqipërinë në vendin e fundit në grup dhe rënien në Ligën C
SHQIPËRI-UKRAINË 1-2
75′ (p) Bajrami / 5′ Zinçenko, 9′ Jaremçuk
NGJARJET KRYESORE
90’+5’ Mbyllet ndeshja ame fitoren 2-1 të Ukrainës.
90’+4’ Edhe Strakosha del përpara në një goditje këndi, sfera shkon te Asllani i cili nuk koordinohet siç duhet dhe çon topin shumë lart.
90’+3’ Në goditje nga këndi të Ukrainës, Strakosha gabon daljen dhe thuajse i dhuron golin e tretë miqve.
90’+2’ Strakosha shpëton portën fillimisht ndaj Sukadev e pastaj përballë Nazarenkos me grushtimet e tij. (VIDEO)
90’ Jepen 5 minuta shtesë.
90’ Seferi merr vendin e Laçit në fushën e lojës.
88’ Nazarenko hyn në zonë në krahun e djathtë, gjuajtja e tij për fat është e lehtë dhe shkon në duart e Strakoshës. (VIDEO)
85’ Lazarenko dhe Talovierov hyjnë në fushë në vend të Mudrik dhe Hutsuliak.
80’ Edhe Tuci ndëshkohet me të verdhë pasi përplaset me portierin Trubin.
79’ Dovbik dhe Mitaj ndëshkohen me karton të verdhë.
78’ Asllani nis një top të shkëlqyer për Bajramin i cili gjuan, por sfera devijohet jashtë. (VIDEO)
76’ Jaremçuk dhe Konoplia lënë fushën e lojës për t’i bërë vend Dovbik dhe Siç. Silvinjo përgjigjet me aktivizimin e Tucit në vend të Ramadanit.
75’ GOOOL SHQIPËRIA! Shënon Bajrami me penallti. (VIDEO)
74’ Penallti për kuqezinjtë, Uzuni e fiton pas një kontakti me Trubin.
69’ Zinçenko i lë vendin në fushë Shaparenkos në radhët e Ukrainës.
68’ Bajrami ndëshkohet me karton të verdhë për një faull ndaj Zabarnjit.
65’ Bajrami mundohet vazhdimisht te gjejë Hoxhën në të majtën, por ky i fundit e ka të vështirë të kalojë Konoplia.
62’ Ajeti nga jashtë zonës lëshon një gjuajtje të befasishme, Trubin grushton me vështirësi. (VIDEO)
58’ Përsëri Uzuni është ai i cili tenton me një gjuajtje të fortë nga jashtë zonës, sfera nuk gjen katërkëndorin. (VIDEO)
55’ Hoxha nuk arrin të pasojë për Uzunin dhe miqtë nisin një kundërsulm të shpejtë me Sudakov i cili gjuan pa gjetur portën. (VIDEO)
52’ Bajrami mundohet të befasojë portierin me një gjuajtje nga larg, sfera ndalet në rrjetën e sipërme të portës. (VIDEO)
51’ Muçi nuk mund të vazhdojë më pas një përplasje, Hoxha merr vendin e tij në fushën e lojës.
47’ Nga ana tjetër është Sudakov i cili gjuan nga distanca, topi ndalet në duart e Strakoshës.
47’ Një top i kthyer shkon te Alsllani i cili gjuan, sfera bllokohet nga një mbrojtës.
46’ Pjesa e dytë nis me ndryshim të dyfishtë, pasi Asani dhe Daku i lënë vendin në fushë Uzunit dhe Bajramit.
45’+1’ Mbyllet me shifrat 2-0 për Ukrainën pjesa e parë.
45’+1’ Muçi rrotullohet në mënyrë spektakolare para zonës duke shmangur një kundërshtar dhe gjuan, por nuk gjen portën e miqve. (VIDEO)
45’ Jepet i minutë shtesë.
40’ Shqipëria është me fat, pasi një top i Zinçenkos nga e djathta shkon te Mudrik në anën tjetër por ky i fundit nuk gjen portën. (VIDEO)
39’ Asllani nis një diagonale për Balliun, topi kontrollohet nga Trubin.
38’ Kaliuzhni provon nga distanca, sfera për fat nuk gjen portën e Strakoshës. (VIDEO)
32’ Laçi bllokon një sulm të ukrainasve dhe niset me shpejtësi drejt gjysmëfushës kundërshtare, por ndalet nga miqtë që nuk lejojnë hapësira.
26’ Lëvizje e shpejtë e Sudakov i cili shmang mbrojtësit dhe gjuan nga jashtë zonës, Strakosha grushton e më pas Konoplia fluturon sferën jashtë. (VIDEO)
25’ Laçi nga e djathta ka mundësinë e parë të shënimit për kuqezinjtë, por gjen vetëm rrjetën e jashtme. (VIDEO)
24’ Mudrik nga e majta tenton të shkojë drejt portës, Balliu e bllokon në të gjitha mënyrat dhe fiton rivënien fundore.
22’ Balliu tenton të hyjë në zonë me një lëvizje të bukur, topi përplaset te Asani i cili më pas shkakton faull në sulm. (VIDEO)
19’ Muçi tenton të hyjë në zonë, ndërhyrja e Zinçenkos i heq mundësinë për të rrezikuar portën. (VIDEO)
17’ Asani merr topin në mesfushë dhe nis Dakun në zonë, sulmuesi nuk arrin topin që kontrollohet nga miqtë. (VIDEO)
15’ Balliu nga krahu i djathtë tenton të futë topin në zonë, por mbrojtja largon rrezikun.
13’ Provon të zgjodhët Shqipëria pas dy goditjeve të rrufeshme, teksa merr kontrollin e topit në këto minuta.
9’ Tjetër goditje e ukrainasve, këtë herë është Jaremçuk i vili shtyn topin në rrjetë lehtësisht (VIDEO)
5’ Gjuajtja e parë sjell golin e miqve! Pas një topi të kthyer nga mbrojtja, Zinçenko i vetëm tund rrjetën. (VIDEO)
1’ Nis dueli në “Arena Kombëtare”.
FORMACIONET ZYRTARE
SHQIPËRIA: Strakosha, Balliu, Ismajli, Ajeti, Mitaj, Ramadani, Asllani, Laçi, Asani, Muçi, Daku.
Trajner: Silvinjo
UKRAINA: Trubin, Konoplia, Zabarnji, Matvijenko, Mikolenko, Kaliuzhnji, Hutsuliak, Sudakov, Zinçenko, Mudrik, Jaremçuk.
Trajner: Sergei Rebrov
PANORAMASPORT.AL
