Kancelari gjerman Olaf Scholz hodhi poshtë idenë që vendet evropiane ose ato të NATO-s do të dërgojnë trupa në Ukrainë pasi presidenti francez Emmanuel Macron tha se ky plan nuk mund të përjashtohej.

“Ajo që është rënë dakord që nga fillimi mes nesh dhe me njëri-tjetrin vlen edhe për të ardhmen, domethënë që nuk do të ketë ushtarë në tokën ukrainase të dërguar atje nga shtetet evropiane apo shtetet e NATO-s”, u tha Scholz gazetarëve.

Diskutimi për këtë çështje në një takim të mbështetësve të Ukrainës të organizuar nga Macron të hënën në Paris ishte “unanim”, tha Scholz. “Është e rëndësishme që të sigurojmë njëri-tjetrin për këtë”, theksoi ai.

“Fakti që ka pasur një mirëkuptim për këtë është, për mendimin tim, një hap shumë i mirë dhe shumë i rëndësishëm përpara.”

Mbajtja e ushtarëve gjermanë nga pjesëmarrja e drejtpërdrejtë në luftën midis Rusisë dhe Ukrainës ishte një “parim themelor”, tha Scholz përpara takimit në Paris.

Burimi informacionit @BalkanWeb: Lexo me shume ne : Bota Sot News botasot.co