Ushtria izraelite tha se planet operacionale për një ofensivë në Liban janë “miratuar dhe vërtetuar”. Kështu shkruan Times of Israel. Planet morën dritën jeshile nga kreu i Komandës Veriore të IDF, gjeneral Ori Gordin dhe kreu i Drejtorisë së Operacioneve, gjenerali Oded Basiuk.

Në një deklaratë, IDF tha se gjeneralët mbajtën një takim strategjik gjatë të cilit “u miratuan planet operative për një ofensivë në Liban”. Komandantët e lartë morën gjithashtu vendime në lidhje me “përshpejtimin e gatishmërisë së forcave në terren”, shtoi ushtria.

Njoftimi vjen mes sulmeve të përsëritura nga Hezbollahu dhe grupet aleate palestineze në Liban në Izraelin verior, duke rritur frikën për një konflikt më të gjerë.

(BalkanWeb)

Burimi informacionit @BalkanWeb: Lexo me shume ne : Bota Sot News botasot.co