Artistja shqiptare, Rita Ora, ka dhënë së fundmi një intervistë për emisionin e famshëm amerikan, “iHeart Radio”, ku ka zbuluar detaje nga karriera profesionale e jeta private.
Përpos të gjithave, gjatë intervistës nuk janë lënë anash as pyetjet për shqiptarët.
Ylli botëror ka përmendur edhe këngëtaret e tjera shqiptare në botë, si Dua Lipën, Bebe Rexhën dhe Ava Max.
Gjatë bisedës, 33-vjeçarja ka thënë se di pak për historinë e shqiptarëve, veçanërisht të ilirëve, duke theksuar se këto histori ia ka rrëfyer aktori i famshëm, Vin Diesel.
“Di një histori ilire, sepse ashtu nisi në Evropën Lindore. Këtë gjë e mësova nga Vin Diesel çuditërisht”, u shpreh ajo.
Moderatori i programit reagoi menjëherë, dhe e pyeti: “A është ai shqiptar?”.
Më tej Rita u përgjigj: “Disi çdokush lidhet me Shqipërinë, bëj shaka. Po më tregonte që ka shumë histori, dhe se ai kishte një farë lidhje”.
Ylli i Hollywoodit më parë ka qenë i paqartë sa i përket etnisë së tij. Nëna e tij ka rrënjë skoceze, ndonëse babanë biologjik nuk e ka takuar kurrë.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
