VALENTINA MADANI/ Partia e kryeministrit të Greqisë, Mitsotakis arriti një fitore të thellë në zgjedhjet për parlamentin europian.

“Nea Demokratia” është renditur e para me 27.9% të votave gati dyfishin nga partia e dytë që është Ksiriza. Sipas rezultateve “Demokracia e Re” zgjedh 7 eurodeputetë, SYRIZA zgjedh 4 dhe PASOK-u 3 deputetë në Parlamentin Evropian. Dhe një nga 7 deputetët e zgjedhur nga Demokracia e Re është edhe Fredi Beleri, kryetari i zgjedhur i Bashkisë së Himarës që ndodhet në burg i dënuar nga Gjykata e Posaçme e Shkallës së Parë me 2 vite për korrupsion në zgjedhje.

Sipas këtyre rezultateve, Beleri është një ndër katër më të votuarit në listën e “Nea Demokratia”. Sipas sondazheve të publikuara nga mediat greke, por edhe në rezultatet paraprake, Beleri është një ndër katër më të votuarit në listën e “Nea Demokracia”. Nëse nuk ndryshon ky trend, atëherë Fredi Beleri pritet të jetë eurodeputet i Greqisë në Parlamentin e ri Europian.

Ai ka deklaruar se në rast fitoreje do të japë dorëheqjen nga mandati si kryetar i zgjedhur i Bashkisë së Himarës. Juridikisht procesi penal nuk ndikohet, në pritje të vendimit në Apel. Seanca e radhës kur tashmë eurodeputeti grek Fredi Beleri del para gjykatës është të premten e 14 qershorit dhe do të pritet se cila do të jetë strategjia e tij. Beleri nga burgu i Fierit, ku ndodhet që prej 12 majit 2023 për blerje votash, e quajti fitoren e tij një triumf të dritës ndaj errësirës.

“Forca e demokracisë mund të përmbysë çdo praktikë puçiste, mjafton që të ketë vullnet dhe besim në një qëllim më të lartë, siç kishim ne që dhamë këtë luftë, një luftë për demokracinë, shtetin e së drejtës, liritë dhe dinjitetin e qytetarëve. Lufta u fitua në kushte të vështira, të paimagjinueshme për një vend që dëshiron të bëhet pjesë e familjes evropiane. Dhe u fitua. Falë nderit, patriotizmit dhe krenarisë së grekëve”,-shkroi Fredi Beleri.

TELEFONATA

Kryeministri i Greqisë, Kyriakos Mitsotakis telefonoi dje Fredi Belerin, i cili u zgjodh deputeti i Parlamentit Evropian në Greqi, në një kohë kur ndodhet në burg në Shqipëri për blerje votash. Sipas mediave greke, Mitsotakis e përgëzoi Belerin për fitoren. Ditën e sotme pritet që Mitsotakis të zhvillojë një takim në orën 10:00 me eurodeputetët e rinj të Demokracisë së Re, në Megaros Maximos.

Fredi Beleri, i dënuar nga GJKKO për blerje votash në zgjedhjet vendore të 14 majit 2023, është zgjedhur nga grekët si anëtar i Parlamentit Europian. Beleri u rendit i katërti mes të votuarve si kandidat në zgjedhjet helene dhe bëhet një prej 21 eurodeputetëve grekë në PE dhe një prej 7 të zgjedhurve nga sigla e “Nea Demokracia” të Mitsotakis. Vetë Beleri e ka konsideruar një triumf të demokracisë, ndërsa në Himarë ka nisur festa mes mbështetësve të tij. Pavarësisht rritjes të së djathtës populiste, grupi i Partisë Popullore Evropiane (EPP) i qendrës së djathtë, doli i pari, siç kanë bërë në çdo zgjedhje parlamentare evropiane që nga viti 1999, me 186 ligjvënës për dhomën me 720 ulëse.

Qytetarët e Bashkimit Evropian shkuan për të votuar në 27 vendet anëtare mes 6 dhe 9 qershorit, dhe këto zgjedhje kanë ngritur debate të shumta mbi të ardhmen politike të Europës. Kryetari i zgjedhur i Bashkisë së Himarës Fredi Beleri është në mesin e fituesve nga lista e kandidatëve për eurodeputet, të Partisë “Demokracia e Re “ të kryeministrit grek Kyriakos Mitsotakis.

Në përfundim të votimeve të së dielës në Greqi për Parlamentin Europian, ai është renditur i katërti, mes 7 emrave që do të përfaqësojnë partinë e kryeministrit grek. Kjo është hera e dytë që zoti Beleri fiton zgjedhje, duke qenë në gjendje arresti. Rezultati i zgjedhjeve në Greqi për Parlamentin Europian për shkak të kandidimit të Belerit u zgjodh me shumë interes edhe në Himarë.

NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co