Është mbyllur sot java e 12-të e kampionatit “Abissnet Superiore” për vajza. Takimet Apolonia – Tirana dhe Vllaznia – Gramshi ulën siparin e kësaj jave.

Apolonia fitoi super sfidën e javës, pasi mundi Tiranën me rezultatin 3-0. Tani fieraket ndodhet në vendin e dytë me 30 pikë, po aq sa Tirana e vendit të tretë.

Nuk pati surpriza në ndeshjen Vllaznia – Gramshi, me kampionet në fuqi që triumfuan me shifrat e thella 12-0 në takimin e zhvilluar sot në Shkodër. Falë kësaj fitoreje, Vllaznia merr vendin e parë dhe kryeson e vetme me 33 pikë.

Të shtunën, Partizani mposhti me rezultatin e thellë 24-0 Skënderbeun e Korçës, në një ndeshje që nuk pati histori dhe u dominua nga vajzat e kuqe.

Lushnja mundi me shifrat 2-1 Teutën, një ndeshje mjaft e luftuar nga të dyja ekipet. Tani Lushnja renditet në vendin e 8-të me gjashtë pikë, duke lënë pas Skënderbeun dhe Teutën.

Në takimin tjetër të javës, sfida Laçi – Kinostudio përfundoi në barazim me rezultatin 2-2.

Rezultatet e javës së 12-të:

Partizani-Skënderbeu     24-0

Lushnja-Teuta                   2-1

Laçi-Kinostudio                 2-2

Apolonia-Tirana                3-0

Vllaznia-Gramshi              12-0

Burimi informacionit @BalkanWeb: Lexo me shume ne : Bota Sot News botasot.co