![“Ai ishte 12 vjeç në kohën e Covid”, Rice i heq “kapelen” Yamal: Respekt për të, po bën diçka shumë speciale 2 ai ishte 12 vjec ne kohen e covid rice i heq kapelen yamal respekt per te po ben dicka shume speciale](https://botasot.co/wp-content/uploads/2024/07/ai-ishte-12-vjec-ne-kohen-e-covid-rice-i-heq-kapelen-yamal-respekt-per-te-po-ben-dicka-shume-speciale.jpg)
Fenomeni Lamine Yamal ka pushtuar botën e futbollit teksa po shkëlqen në Euro 2024 me Spanjën. Të shumtë janë lojtarët e nivelit të lartë që ia dalin të korrin sukses në skenat më elitare, por ta bësh këtë në moshën 16-vjeçare (nga dje 17 vjeç) është thjeshtë ëndërr e shfrenuar e fëmijëve në bankat e shkollave. Pikërisht, këtë ëndërr Yamal po e mishëron ditë pas dite e ndeshje pas ndeshje. Në rrjete sociale është bërë trend batuta për moshën e tij në krahasim me aktualitete të ndryshme që na prekin të gjithëve.
Një të tillë risjell edhe mesfushori i Anglisë, Declan Rice i cili në konferencën për shtyp i thur elozhe superyllit spanjoll, por kritikon lojtarët francez për fjalët e tyre ndaj tij para ndeshjes Spanjë – Francë. “Ai ishte 12 vjeç gjatë kohës së COVID dhe kjo ishte 4 vite më parë. Një statistikë e frikshme që tregon se sa i mirë është ai. Ai është vetëm 16 vjeç dhe unë nuk e kuptoj sesi lojtarët francez dëshironin ta ulnin poshtë një lojtarë si ai. Për atë që ka bërë te Barcelona si një 16-vjeçar ti mundesh vetëm ta duartrokasësh.
Unë, si tifoz futbolli ashti si edhe futbollist, thjeshtë mund ta respektoj dhe ndonjëherë duhet të thuash ‘uau’ që një 16-vjeçar ka guximin të luaj me Barcelonën. Ajo që është duke bërë në këtë moshë është shumë, shumë speciale”, tha Rice.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co