Detaje të reja dalin lidhur me aksidentin tragjik që u regjistrua mbrëmjen e sotme rreth orës 21:00 në vendin e quajtur “Ura e qytetit”, në aksin rrugor Bulqizë-fshati Peladhi.
Siç njoftoi më herët policia, nga aksidenti i rëndë mbeti e vdekur një pasagjere, ndërsa shoferi dhe 4 pasagjerët e tjerë mbetën të lënduar.
Ndërkaq sipas informacioneve të përditësuar mësohet se viktima është bashkëshortja e drejtuesit të mjetit. Mësohet se viktima me iniciale M.Z është 31 vjeç.
Blutë bëjnë me dije gjithashtu se drejtuesi i mjetit dhe 4 pasagjerët e lënduar po transportohen drejt Tiranës për ndihmë mjekësore më të specializuar.
“Si pasojë e daljes nga rruga të automjetit, ka humbur jetën shtetasja M.Z., rreth 31 vjeçe (bashkëshortja e drejtuesit të automjetit), ndërsa drejtuesi i mjetit dhe 4 pasagjerë, janë dëmtuar dhe po transportohen drejt Tiranës për ndihmë mjekësore më të specializuar.
Grupi hetimor ndodhet në vendngjarje dhe po punon për zbardhjen e rrethanave dhe shkakut të saktë të daljes nga rruga të automjetit”, njofton policia.
Njoftimi paraprak i policisë
Bulqizë/Informacion paraprak
Rreth orës 21:20, në aksin rrugor Bulqizë-fshati Peladhi, shtetasi E.Z., teksa drejtonte automjetin tip ‘Foristrade’, ka humbur kontrollin mbi drejtimin e tij dhe automjeti ka dalë nga rruga.
Si pasojë e aksidentit ka mbetur i dëmtuar drejtuesi i mjetit dhe 4 pasagjerë, të cilët janë transportuar drejt Tiranës për ndihmë më të specializuar mjekësore, ndërsa shtetasja M.Z., ka humbur jetën.
Grupi hetimor po punon për sqarimin e rrethanave të aksidentit.
–> © Panorama.al Burimi informacionit @Panorama.al: Lexo me shume ne :bota sot botasot.co
