![Aksioni në Veri, SHBA vlerëson përkushtimin e Vjosa Osmanit për një koordinim me bashkësinë ndërkombëtare 2 aksioni ne veri shba vlereson perkushtimin e vjosa osmanit per nje koordinim me bashkesine nderkombetare](https://botasot.co/wp-content/uploads/2024/09/aksioni-ne-veri-shba-vlereson-perkushtimin-e-vjosa-osmanit-per-nje-koordinim-me-bashkesine-nderkombetare.jpg)
Ambasada e Shteteve të Bashkuara të Amerikës në Kosovë ka ndarë detaje të reja rreth takimit mes presidentes Vjosa Osmani me Ndihmës Sekretarin Amerikan të Shtetit, Alexander Kasanof.
SHBA vlerësojnë qëndrimin e Presidentes Osmani që të ketë koordinim me aleatët rreth veprimeve të qeverisë.
“Në Forumin GlobSec të Pragës sot Ndihmës Sekretari Amerikan i Shtetit, Alexander Kasanof dhe Presidenti Vjosa Osmani diskutuan për një numër çështjesh të rëndësishme, përfshirë veprimet e pakoordinuara të së premtes nga Qeveria e Kosovës dhe rëndësinë e konsultimit me bashkësinë ndërkombëtare. Ne vlerësojmë përkushtimin e Presidentes Osmani për një koordinim të tillë, i cili është thelbësor për të avancuar trajektoren evropiane dhe euroatlantike të Kosovës dhe për të arritur stabilitetin rajonal, normalizimin dhe integrimin ekonomik. ShBA mbetet e përkushtuar për një Kosovë sovrane, multietnike, demokratike”, thuhet në reagimin e ambasadës amerikane.
Presidentja e Kosovës Vjosa Osmani përmes një postimi në Facebook ka deklaruar se me zyrtarin e lartë amerikan ka biseduar për zhvillimet e fundit në rajon. “Diskutim përmbajtësor mbi zhvillimet e fundit, rëndësinë vendimtare të angazhimit proaktiv e të shtuar të Shteteve të Bashkuara për paqe të qëndrueshme në rajon, si dhe mbi dialogun Kosovë-Serbi”, kishte shkruar Osmani.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co