Aktorja Martine McCutcheon ka njoftuar se është ndarë nga bashkëshorti i saj, Jack McManus, pas 18 vitesh së bashku.
Në një postim në Instagram, ylli i “Love Actually” tha se partneri i saj kishte vendosur se ishte më mirë që ata të ndiqnin rrugët e tyre dhe ajo e ka pranuar vendimin e tij.
McCutcheon tha se prioriteti i tyre numër një do të vazhdojë të jetë “lumturia dhe mirëqenia” e djalit të tyre nëntë vjeçar, Rafferty.
Në postim ajo shkruan: “Pas shumë mendimeve dhe konsideratave, Jack ka vendosur që është më mirë të ndahemi pas 18 vitesh bashkë dhe unë e pranoj vendimin e tij”.
“Të dy jemi shumë të bekuar dhe mirënjohës për djalin tonë të bukur, nëntë vjeçar, Rafferty, lumturia dhe mirëqenia e të cilit ka qenë gjithmonë dhe do të vazhdojë të jetë prioriteti ynë numër një”.
“Natyrisht, ne të dy ende duam dhe presim që të jemi prindër së bashku të djalit tonë të mrekullueshëm për pjesën tjetër të jetës sonë”.
McCutcheon u martua me McManus në Liqenin e Komos në Itali në vitin 2012.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
