Vetëm pak minuta na ndajnë nga starti i Euro 2024, Berlini është alarmuar, shkak është bërë një çantë e dyshimtë, e cila është pikasur nga policia gjermane.
Një pjesë e zonës së tifozëve të Euro 2024 pranë ndërtesës së Reichstag në Berlin është pastruar nga forcat e sigurisë pas zbulimit të një çantë shpine të dyshimtë.
Çanta u gjet në hyrje të zonës kushtuar tifozëve të ardhur për të ndjekur kampionatin evropian në Gjermani dhe një burrë që u ndalua për kontrolle. Aktualisht, raporton Bild, shumë efektivë të policisë së shtetit dhe skuadra e bombave kanë ndërhyrë në vendngjarje.

“Si një masë paraprake, është vendosur një zonë e kufizuar. Çanta tani është duke u ekzaminuar. Gjithashtu mund të jetë që dikush nuk e ka çuar në zonën përkatëse, sepse çanta e shpinës është më e madhe se formati i lejuar”, tha Beate Ostertag zëdhënëse e policisë së Berlinit. Zona e ndaluar është 200 metra e gjerë dhe nuk mbulon të gjithë zonën e tifozëve.
Tri hyrje janë mbyllur, njëra është ende e hapur. Incidenti aktualisht nuk ka asnjë ndikim në vizitat në “Fan Mile” përballë portës së Brandenburgut, ku qasja mbetet e lejuar.

Megjithëse të gjitha strukturat e ruajtjes së sigurisë në Gjermani janë në gadishmëri le të shpresojmë që episode të tilla të mos përsëriten më përgjatë gjithë 30 ditëve, kur do të zhvillohet ky kompeticion.

Burimi informacionit @BalkanWeb: Lexo me shume ne : Bota Sot News botasot.co