Sytë e të gjithë botës ishin të kthyer nga Izraeli mbrëmjen e djeshme, kur ky shtet u vendos nën sulmin me dronë dhe raketa nga Irani.

CNN shkruan se sulmi i djeshëm duke se ishte i planifikuar për të shkaktuar sa më pak viktima dhe për të “maksimizuar spektaklin”.

Ky ishte një mision kompleks. Mbi 200 dronë dhe raketa fluturuan mbi fqinjët e Iranit, duke përfshirë Jordaninë dhe Irakun, të dyja me baza ushtarake amerikane, përpara se të depërtonin në hapësirën ajrore të armikut të Iranit, Izraelit. Aleatët e Izraelit ndihmuan në rrëzimin e pjesës më të madhe të këtyre dronëve, por nuk mundën të parandalonin atë që besohej prej kohësh të ishte skenari i fundit i botës në Lindjen e Mesme, sulmi i parë i Republikës Islamike ndaj Izraelit.

Sistemi i mbrojtjes ajrore i Iron Dome i Izraelit nuk i zhgënjeu izraelitët. Vetëm një pjesë e vogël e vendndodhjeve u sulmuan, duke përfshirë një bazë ushtarake dhe një zonë në shkretëtirën Negev, duke plagosur një fëmijë beduin, ndërsa kupola shmangi një nga sulmet më të mëdha me dron në histori.

Megjithatë, ishte një operacion që dukej i projektuar për të dështuar, kur Irani nisi dronët e tij vrasës nga territori i tij rreth 1000 milje larg, ai po i jepte Izraelit disa orë paralajmërim.

Në vend të zjarrit nga një nga vendet fqinje ku Irani dhe aleatët e tij joshtetërorë janë të pranishëm, ky ishte një sulm i drejtpërdrejtë nga territori iranian në territorin izraelit. Kjo kompromentoi aftësinë e Iranit për të dëmtuar Izraelin, sepse ai ia hoqi operacionit elementin e befasisë.

Burimi informacionit @BalkanWeb: Lexo me shume ne : Bota Sot News botasot.co