Trajneri i Interit, Simone Inzagi, analizoi barazimin dramatik 4 me 4 që skuadra e tij regjistroi në shtëpi ndaj Juventusit. Në prononcimin e dhënë pas ndeshjes në konferencën për shtyp, tekniku zikaltër deklaroi:
“Për mendimin tim, Zielinski bëri shumë mirë, ai luajti një ndeshje të shkëlqyer. Ne e dimë vlerën e Çalhangolu i cili arrin të bëjë mirë në të dyja fazat. Por ishte një ndeshje e vështirë për t’u komentuar, e patë të gjithë: këtu është një zhgënjim i madh, me një ndeshje si kjo ne merituam një rezultat ndryshe dhe tani jemi të kushtëzuar nga rezultati final.
Është e qartë se ka pasur gabime, ne të gjithë duhet të bëhemi më të përgjegjshëm, atëherë qartësisht duhet t’i shqyrtoj ato! Ka gabime të përsëritura. Të gjithë duhej të bënim më mirë, është e vështirë të flasim. Si një trajner, unë duhet të jem i qartë dhe të kuptoj, e di që tani jemi të ndikuar nga rezultati në njëmbëdhjetë ndeshje kundër Juventusit që nuk më ka ndodhur kurrë të krijoj tetë-nëntë raste një ekip solid.
Tifozët neutralë që e duan futbollin sigurisht që do të jenë kënaqur. Ne pak më pak, ne e dimë se çfarë përfaqëson derbi italian.
Do të ishte shumë e lehtë që një zëvendësim të ishte vendimtar, në pjesën e parë pësuam dy gola të ngjashëm me dy të tjerët. Të gjithë duhet të marrim përgjegjësi, nuk mund të jetë faji i mbrojtësve apo i një individi, por i të gjithëve.
Me rotacionet unë isha pak i shkurtër, Asllani nuk mundi të hynte dhe Buçanan bëri stërvitjen e parë të premten, ndoshta do të më kishin ndihmuar më shumë në atë moment”, u shpreh Inzagi.
PANORAMASPORT.AL
