SHBA-ja dhe Britania e Madhe kryen sulme të tjera kundër 18 objektivave të rebelëve Houthi të shtunën, përfshirë objektet e ruajtjes së raketave në Jemen në raundin e fundit të aksionit ushtarak kundër grupit të lidhur me Iranin që vazhdon të sulmojë anijet në detin e kuq.
Sulmet ishin kundër objektivave Houthi në tetë zona të ndryshme dhe përfshinin gjithashtu sisteme të mbrojtjes ajrore, radarë dhe një helikopter, thanë zyrtarët.
Mbretëria e Bashkuar bëri të ditur se aleatët vepruan për të “degraduar më tej” aftësitë e rebelëve Houthi. Në një deklaratë të përbashkët, Pentagoni tha se “sulmet e nevojshme dhe proporcionale të së shtunës shënjestruan në mënyrë specifike 18 objektiva Houthi në tetë zona të ndryshme në Jemen të lidhura me objektet nëntokësore të magazinimit të armëve, objektet e ruajtjes së raketave, sistemet ajrore pa pilot, sistemet e mbrojtjes ajrore, radarët dhe një helikopter.
“Këto sulme të sakta kanë për qëllim të prishin dhe degradojnë aftësitë që Houthi-t përdorin për të kërcënuar tregtinë globale, anijet detare dhe jetën e marinarëve të pafajshëm në një nga rrugët ujore më kritike në botë.”
Sulmet u kryen me mbështetjen e Australisë, Bahreinit, Kanadasë, Danimarkës, Holandës dhe Zelandës së Re”, u theksua më tej në deklaratë. Më pas, Sekretari i Mbrojtjes i SHBA-së, Lloyd Austin theksoi se Amerika “nuk do të hezitojë të ndërmarrë veprime, sipas nevojës, për të mbrojtur jetët dhe rrjedhën e lirë të tregtisë në një nga rrugët ujore më të rëndësishme në botë”.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
