Dënimi me 10 vjet burg është kërkuar ndaj 53-vjeçarit nga Saranda, Thanas Bako, i cili dyshohet si bankier i nëndheshëm i bosave të krimit që veprojnë në Holandë.
Ai dyshohet se Bako ka shërbyer si menaxheri i qindra milionë eurove, ndërsa pranoi para gjykatës në Roterdam, në seancën e zhvilluar të enjten, se “ka bërë gjëra të gabuara”.
Ai merrte mesazhe dhe i përcillte.
“Unë isha lajmëtari, ky ishte një gabim i madh. Por përveç kësaj nuk di asgjë për këtë”, ka theksuar disa herë ai. Avokati i tij më parë mohoi fuqimisht se ai ishte një “bankier i botës së krimit”.
Bako u arrestua në Athinë më 31 maj të vitit të kaluar me kërkesë të Holandës dhe tani ndodhet në një qeli holandeze për më shumë se një vit.
Ai thuhet se ka udhëhequr një rrjet korrierësh në Holandë nëpërmjet komunikimeve kripto, i cili ka lëvizur pothuajse një çerek miliardë euro në para për kriminelët. Kjo do të kishte ndodhur në periudhën midis qershorit 2020 dhe marsit 2021.
Rrjeti thuhet se ka funksionuar nga zyra të ndryshme në Holandë, duke përfshirë Wateringen dhe Amsterdam. Anëtarët e rrjetit të korrierëve u dënuan me vite burg në fillim të këtij viti.
Në fund të vitit të kaluar, Greqia dhe Prokuroria Publike shqyrtuan mundësinë e marrëveshjeve për një dënim të mundshëm, por kjo nuk u bë e mundur.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
