![Bashkëpunimi me organizatat ndërkombëtare, Balla: Do të organizojmë Konferencën Rajonale Europiane të Interpol 2 bashkepunimi me organizatat nderkombetare balla do te organizojme konferencen rajonale europiane te interpol](https://botasot.co/wp-content/uploads/2024/03/bashkepunimi-me-organizatat-nderkombetare-balla-do-te-organizojme-konferencen-rajonale-europiane-te-interpol.jpg)
Ministri i Brendshëm, Taulant Balla, ka reaguar në lidhje me bashkëpunimin me organizatat ndërkombëtare në lidhje me ekstradimin e dy personave, nga Spanja, Gjermania dhe Britania e Madhe, të personave të kërkuar nga drejtësia shqiptare.
Me anë të një postimi në rrjetet sociale, ai tha se Shqipëria është përzgjedhur këtë vit si vendi organizator i Konferencës Rajonale Europiane të Interpol, organizatës më të madhe policore me 196 anëtarë në mbarë botën.
Balla njoftoi se më 11-13 Qershor 2024 drejtuesit më të lartë të policisë nga e gjithë Europa dhe vende të tjera për të diskutuar forcimin e bashkëpunimit.
Postimi:
Shqipëria po thellon çdo ditë e më shumë bashkëpunimin me INTERPOL në luftën kundër krimit të organizuar, trafikut të lëndëve narkotike dhe armëve, në gjetjen e personave në kërkim nga drejtësia shqiptare si dhe në forcimin e kapaciteteve të Policisë së Shtetit në përballjen me krimet kibernetike. Gjatë 24 orëve të fundit, falë këtij bashkëpunimi, kanë vijuar ekstradimet nga Spanja, Gjermania dhe Britania e Madhe, të personave të kërkuar nga drejtësia shqiptare.
Në vlerësim të rezultateve të arritura nga Policia e Shtetit🦅🇦🇱 Shqipëria është përzgjedhur këtë vit si vendi organizator i Konferencës Rajonale Europiane të Interpol, organizatës më të madhe policore me 196 anëtarë në mbarë botën. Ministria e Brendshme dhe Policia e Shtetit do të mirëpresin më 11-13 Qershor 2024 drejtuesit më të lartë të policisë nga e gjithë Europa dhe vende të tjera për të diskutuar forcimin e bashkëpunimit.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co