Bashkimi Evropian (BE) ka shprehur mosmiratimin e tij të fortë për vendimin e Komitetit të Lartë të Planifikimit të Izraelit për të ndërtuar mbi 3,426 njësi të reja banimi në vendbanimet e Bregut Perëndimor, të cilat konsiderohen të paligjshme nga ligji ndërkombëtar.

Sipas informacioneve, këtë e ka bërë të ditur përmes një komunikate zëdhënësi i Përfaqësuesit të Lartë të BE-së për Punë të Jashtme dhe Siguri, Peter Stano.

Deklarata i kërkoi Izraelit të kthejë këto vendime, duke thënë: “BE ripohon se vendbanimet janë të paligjshme dhe minojnë paqen pasi rrezikojnë zgjidhjen me dy shtete. Për më tepër, zgjerimi i vendbanimeve është i papajtueshëm me përpjekjet e vazhdueshme për të lehtësuar tensionet dhe do të ndikojë në Ramazanin e ardhshëm, i cili është shumë domethënës para festave fetare të Pesach dhe Pashkëve.”

Deklarata theksoi gjithashtu se qëndrimi i BE-së mbetet i njëjtë: “Ne nuk do të pranojmë asnjë ndryshim në kufijtë e para 1967-ës, përfshirë Jeruzalemin, përveç nëse palët bien dakord për to”.

Burimi informacionit @BalkanWeb: Lexo me shume ne : Bota Sot News botasot.co