![Begaj takim me homologen moldave në Zvicër, kërkon njohjen e Kosovës dhe mbështetje për anëtarësimin në organizata ndërkombëtare 2 begaj takim me homologen moldave ne zvicer kerkon njohjen e kosoves dhe mbeshtetje per anetaresimin ne organizata nderkombetare](https://botasot.co/wp-content/uploads/2024/06/begaj-takim-me-homologen-moldave-ne-zvicer-kerkon-njohjen-e-kosoves-dhe-mbeshtetje-per-anetaresimin-ne-organizata-nderkombetare.jpg)
Presidenti i Republikës së Shqipërisë, Bajram Begaj, gjatë qëndrimit në Bürgenstock të Zvicrës, ku ndodhet për Samitin e Paqes në Ukrainë, u takua me disa nga homologët e tij botërorë.
Veç bisedave për angazhimin kolektiv në gjetjen e rrugës për t’i dhënë fund konfliktit, Presidenti i Shqipërisë ka trajtuar në këto takime edhe zhvillimet në rajonin e Ballkanit Perëndimor, duke vijuar lobimin për zgjerimin e njohjeve ndërkombëtare të Republikës së Kosovës, të cilën e cilësoi një faktor stabiliteti në rajon.
Gjatë takimit me Presidenten e Moldavisë, Maia Sandu, Presidenti Begaj rikonfirmoi mbështetjen e Shqipërisë për aspiratën e integrimit evropian të Moldavisë.
Kreu i Shtetit i përcolli Sandu kërkesën për rishqyrtimin e vendimit për njohjen e Kosovës dhe mbështetjen për anëtarësimin e saj në organizmat ndërkombëtarë, ndërsa vlerësoi faktin që Moldavia po kontribuon me trupa në misionin paqeruajtës të KFOR-it.
Çështjen e Kosovës Presidenti Begaj e trajtoi edhe gjatë takimit me homologun afrikan të Kenias, William Ruto, të cilit i përsëriti kërkesën për njohjen zyrtare, duke theksuar se një lëvizje e tillë i shërben zgjerimit të frymës së paqes dhe sigurisë. Shqipëria dhe Kosova, – theksoi Presidenti Begaj, janë në të njëjtën linjë të politikës së bashkëpunimit kolektiv për shmangien e konflikteve.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co