Biden u tërhoq, çfarë ndodh me paratë e fushatës që mblodhi presidenti – Si do të përdoren 330 mln dollarë, të drejtat dhe kufizimet ligjore

Pasi Presidenti Joe Biden njoftoi të dielën se nuk do të rikandidonte përballë Donald Trump, pyetja që ngrihet është se çfarë ndodh me paratë e fushatës së tij?

Është një “arkë e rëndësishme lufte” që arriti në 240 milionë dollarë në fund të qershorit, duke përfshirë Konventën Kombëtare Demokratike dhe komitetet aleate, sipas një njoftimi nga fushata e Biden të martën.

Dhe vetëm llogaria e fushatës së Bidenit mbante 95.9 milionë dollarë në fund të qershorit, sipas të dhënave më të fundit të disponueshme nga Komisioni Federal i Zgjedhjeve (FEC).

Nëse zëvendëspresidentja Kamala Harris do të jeteë e nominuar zyrtarisht, ajo do të marrë përsipër llogarinë ekzistuese të fushatës dhe do të ketë kontrollin e fondeve të depozituara atje, sipas rregullave të FEC.

Nëse gara do të hapej, fushata Biden-Harris mund t’ia transferonte të gjitha paratë e saj  Komitetit Kombëtar Demokrat, pasi rregullat e FEC lejojnë transferime të pakufizuara nga komitetet e kandidatëve në komitetet kombëtare të partive.

Demokratët mund t’i përdorin ato fonde në disa mënyra për të mbështetur një kandidat të ri dhe mund t’i shpërndajë ato para për një sërë kandidatësh të tjerë me votim brenda demokratëve por edhe nga komitetet aleate – edhe pse duke e bërë këtë, Demokratët do të kufizoheshin nga rregullat e FEC që rregullojnë shpenzimet dhe kontributet për komitetet e partive kombëtare.

Paratë Biden gjithashtu mund t’ia kalojë një komiteti veprimi politik të ri, dhe të mbajë vetë kryesisht kontrollin e financave për “betejën” e ardhshme. Por më pas do t’i imponohet rregullave të FEC, të cilat kufizojnë kontributet në 5,000 dollarë, duke kufizuar ndjeshëm aftësinë e tij për të shpërndarë dhjetëra miliona dollarë.

Fondet e Biden mund të shpenzohen gjithashtu për shpenzime të pavarura, siç janë fushatat e kushtueshme reklamuese, për të mbështetur kandidatët e tjerë, duke përfshirë një kandidat të ri presidencial. Komiteti i Veprimit Politik (PAC) i ri, megjithatë, nuk do të jetë në gjendje t’i koordinojë këto aktivitete shpenzimesh me asnjë nga kandidatët që ata mbështesin dhe do të përballen me tarifa të pafavorshme reklamimi.

Burimi informacionit @BalkanWeb: Lexo me shume ne : Bota Sot News botasot.co