Ndërprerja e ndeshjes mes Rumanisë dhe Kosovës pas thirrjeve antishqiptare dhe atyre “Serbi, Serbi:” që vinin nga tribunat, nuk erdhi me vendim nga Federata e Futbollit të Kosovës e cila zakonisht duhet të koordinonte veprime të tilla që padyshim kanë pasoja.
Në minutën e 95-të, kur nga tribuna vërshuan sharjet, ishte kapiteni i Kosovës, Amir Rrahmani, i ai cili iu drejtua gjyqtarit danez Morten Krogh, duke i komunikuar vendimin për të dalë nga fusha dhe braktisur ndeshjen.
U duk sikur Rrahmani mori këtë vendim pas një komunikimi të shkurtër me disa nga shokët e skuadrës. Por ishte ai gjithsesi lojtari më i vendosur dhe që u bëri me dorë edhe të tjerëve që të largoheshin nga fusha e lojës, mes habisë së trajnerit Franko Foda.
PANORAMASPORT.AL
