![Brejtësit gllabërojnë sasinë e kanabisit të ruajtur në Departamentin e Policisë së New Orleans 2 brejtesit gllaberojne sasine e kanabisit te ruajtur ne departamentin e policise se new orleans](https://botasot.co/wp-content/uploads/2024/03/brejtesit-gllaberojne-sasine-e-kanabisit-te-ruajtur-ne-departamentin-e-policise-se-new-orleans.jpg)
Brejtësit po gllabërojnë sasinë e kanabisit të mbyllur me çelës në dhomën ku grumbullohen provat e Departamentit të Policisë së Nju Orleans, njoftuan sot zyrtarët, sipas “New York Post”.
“Minjtë po hanë marihuanën tonë”, i tha kryeinspektorja Anne Kirkpatrick Komitetit të Drejtësisë Penale të Këshillit Bashkiak.
“Ata janë të gjithë nën efektin e kanabisit”, shtoi ajo.
Raporti befasues i Kirkpatrick erdhi ndërsa ajo u kërkoi këshilltarëve të qytetit të financonin një shtëpi të re për forcën policore “Big Easy”.
Ajo tha se selia aktuale e policisë, e ndërtuar në vitin 1968, nuk ishte e përshtatshme për një forcë moderne, pasi ashensorët ishin të prishur, pa ajër të kondicionuar dhe oficerët ishin të detyruar të punonin mes mbetjeve të minjve të shpërndara në tavolinat e tyre.
Problemet në selinë e policisë dukej se kishin lindur si pasojë e uraganit “Katrina” që shkatërroi qytetin në vitin 2005.
Anëtari i Këshillit, Oliver Thomas, i cili kryeson Komitetin e Drejtësisë Penale tha se ishte “i befasuar” nga lajmet për minjtë që hanë marihuanë.
Thomas dhe anëtarët e tjerë të Këshillit vendosën të miratojnë vendimin për t’i dhënë me qira Departamentit të Policisë një ndërtese në qendër të qytetit për 10 vjet.
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co