![Çfarë e shkaktoi zjarrin e madh te tregu i rrobave të vjetra në Shkodër? Reagon policia 2 cfare e shkaktoi zjarrin e madh te tregu i rrobave te vjetra ne shkoder reagon policia](https://botasot.co/wp-content/uploads/2024/06/cfare-e-shkaktoi-zjarrin-e-madh-te-tregu-i-rrobave-te-vjetra-ne-shkoder-reagon-policia.jpg)
Policia e Shkodrës ka dhënë informacion zyrtar në lidhje me zjarrin e rënë një ditë më parë në tregun e rrobave të vjetra në këtë qytet.
Efektivët e qytetit verior shprehen se zjarri në tregun e rrobave të vjetra në qytet është shkaktuar nga dy djem të mitur, të cilët kanë qenë duke luajtur.
“Zbardhet ngjarja e ndodhur mbasditen e djeshme në lagjen “Ndoc Mazi”.
Strukturat Hetimore të Drejtorisë Vendore dhe të Komisariatit të Policisë Shkodër nën drejtimin e Prokurorisë, kanë vijuar intensivisht hetimet për zbardhjen dhe dokumentimin ligjor të ngjarjes në tregun e rrobave të përdorura ku si pasojë e zjarrit të rënë u shkaktuan dëme të shumta materiale.
Si rezultat i veprimeve hetimore të kryera rezultoi se dy të mitur 9-vjeçarë që kanë qenë duke luajtur në afërsi të tregut, dyshohet se kanë shkaktuar zjarr në tregun e rrobave të përdorura.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Shkodër, për veprime të mëtejshme”, njofton policia.
(Balkanweb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co