Më votat e Partisë Socialiste, u vendos që mbledhja e Komisionit Hetimor për ndërhyrjet në të dhënat e sistemit TIMS, ku do të dëshmojë Drejtori i Policisë së Shtetit Muhamet Rrumbullaku, të zhvillohet me dyer të mbyllura.
Tetë ishin votat pro zhvillimit të seancës me dyer të mbyllura dhe 6 vota kundër nga opozita.
“Unë do të hedh në votim kërkesën paraprake që Komisioni Hetimor të vlerësojë që deklarimi të vijojë të jetë i hapur për publikun. 6 pro, kundër ka? Abstenim nuk ka. Shumë mirë.
Kush do që mbledhja të të bëhet në terr, njësoj si ndërhyrja në sistemin TIMS në errësirën, natën dhe pa vëmendjen e publikut duke iu fshehur të vërtetave që duhet të jetë transparencë.
Kush është pro zhvillimit të mbledhjes me dyer të mbyllura? 8 pro, 6 kundër. Mbylleni. Njësoj si lakuriqët e natës, natën.
Duke falënderuar median dhe publikun, ne do të kemi një komunikim më pas. Do të bëjmë 10 minuta pushim”, tha Salianji, kryetar i Komisionit.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
