Dhunuan për vdekje 18-vjeçarin, gjykata lë në paraburgim dy të rinjtë nga Podujeva

dhunuan per vdekje 18 vjecarin gjykata le ne paraburgim dy te rinjte nga podujeva

Gjykata Themelore në Prishtinë ka vendosur të mbajë në paraburgim edhe për dy muaj të tjerë dy të dyshuarit e mitur për vrasjen e një 18-vjeçari në qytetin Podujevës.

Përfaqësuesi ligjor i palës së dëmtuar, Tomë Gashi e ka konfirmuar vendimin e gjykatës për zgjatjen e masës së paraburgimit për dy të akuzuarit.

Më 20 janar 2024, 18-vjeçari, L.F., ndërroi jetë në Qendrën Klinike Universitare të Kosovës në Prishtinë pas plagëve të rënda që kishte marrë në trup.

Prokuroria, rastin fillimisht e kishte iniciuar si “vrasje në tentativë”, e më pas e ka cilësuar si “vrasje”.

Përleshja mes viktimës dhe dy të rinjve të tjerë kishte ndodhur më 15 janar.

Sipas Prokurorisë, dy të miturit e kanë goditur 18-vjeçarin me shkop, duke i shkaktuar lëndime në trup, ku si pasojë viktima ishte dërguar në QKUK ku më pas ndërroi jetë.

Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb

Burimi informacionit @BalkanWeb: Lexo me shume ne : Bota Sot News botasot.co