Babai i Leo Roçit, i zhdukur prej 9 ditësh, ka treguar komunikimin e fundit me të birin para se të humbnin kontaktet më 21 Maj.
Në emisionin “Me zemër të hapur” të moderatores Evis Ahmeti, babai i 34-vjeçarit ka deklaruar se i Leo i kishte thënë që do të shkonte në Angli tek djali dhe gruaja e tij, që jetonin në Britani.
34-vjeçari kishte pak kohë që ishte liruar nga qelia pasi kishte përfituar nga Amnistia Penale dhe do ishte drejt Anglisë tek djali, të cilin e kishte lënë 6 muajsh.
Babai i të riut tregoi itinerarin që do të ndiqte Leo Roçi për të mbërritur në destinacion.
“Është nisur nga Durrësi, tek dajat e tij dhe ka udhëtuar me autobus në Prishtinë më 19 Maj. Më tha që do iki të takoj djalin në Angli, e ka lënë 6 muajsh djalin dhe kur bisedonte në telefon i biri i thoshte ‘kur do të vish o babi’.
Të nesërmen ka marrë taksinë drejt kufirin serbo-kroat pasi do të shkonte në Francë dhe më pas në Angli.
Komunikimi me djalin është ndalur tek dogana e Kroacisë. Ai ka folur për herë të fundit me dajën e tij. Komunikimi 02:30 të datës 21 Maj.
E ka telefonuar daja i vet nga Zvicra, por nuk përgjigje. Për 15 orë telefoni ka qenë i ndezur, ne e shikonim.
Dy ditë është fikur telefoni, kur u ndez është përgjigjur një grua që fliste serbisht”, tha ai.
NDIQE LIVE “PANORAMA TV” © Panorama.al Burimi informacionit @Panorama.al: Lexo me shume ne :bota sot www.botasot.co
