Presidenti amerikan Joe Biden u zotua dje në Baltimore se do të bëjë gjithçka që ka në dorë për të rindërtuar sa më shpejt urën që u shemb pak ditë më parë si një shtëpi prej letrash, duke vrarë gjashtë persona. “Jam këtu për t’ju thënë se i gjithë vendi është me ju,” tha presidenti amerikan përpara rrënojave të urës Francis Scott Key, ndër të cilat spikat anija e madhe me kontejnerë që shkaktoi shembjen.
Ai siguroi se deri në fund të majit do të përfundojnë punimet për rivendosjen e aksesit në portin e Baltimores, një nga më të mëdhenjtë në Shtetet e Bashkuara. Një vendkalim i përkohshëm u hap në fillim të kësaj jave për të lejuar hyrjen në anijet e përfshira në operacionin e heqjes së mbeturinave. “Ne do të lëvizim qiellin dhe tokën për të rindërtuar këtë urë sa më shpejt të jetë e mundur,” tha Presidenti Biden, duke i bërë thirrje Kongresit që të miratojë planin e financimit.
“Nga ajri, pashë një urë që u shkatërrua. Por këtu në terren, unë shoh një komunitet që është bashkuar. Dua të falënderoj reaguesit e parë, portierët dhe zyrtarët shtetërorë dhe lokalë që u hodhën në veprim që nga momenti i parë”, tha presidenti i SHBA-ve.
Më vonë, presidenti amerikan takoi të afërmit e gjashtë punëtorëve që u vranë dhe shprehu ngushëllimet e tij të sinqerta. Viktimat ishin emigrantë (nga Meksika, Guatemala, El Salvador dhe Hondurasi) të cilët po kryenin punimet e ndërtimit të rrugës në urë kur Dali – një anije mallrash 300 metra e gjatë dhe 48 metra e gjerë – u përplas me një nga shtyllat mbështetëse për shkak të një defekti mekanik.
Rindërtimi i urës së Baltimores vlerësohet të zgjasë deri në tre vjet.
Join me as I deliver remarks in Maryland following the collapse of Baltimore’s Francis Scott Key Bridge. https://t.co/eVA3XCenEx
— President Biden (@POTUS) April 5, 2024
(BalkanWeb)
Grupi Balkanweb
Burimi informacionit @BalkanWeb: Lexo me shume ne : Bota Sot News botasot.co
